QADIN OLMAQ

QADIN OLMAQ

Qadın olmaq — sadəcə bir biologiya və ya cəmiyyətin təyin etdiyi bir rol deyil; o, dərin bir varlıq, bitməz-tükənməz bir güc və incə bir incəsənətdir.
Qadın olmaq, həm incəlikləri qəlbində daşımaq, həm də həyatın fırtınalarına qarşı sarsılmaz bir qala kimi durmaq deməkdir. Dünya nə qədər bərk və sərt olsa da, onun soyuqluğunu öz istiliyi ilə yumşaltmaq bacarığıdır. Bir qadının baxışında həm dünyanı qucaqlayacaq qədər mərhəmət, həm də öz yolunu işıqlandıracaq qədər cəsarət var.
Gücün və nəzakətin harmoniyası
çox vaxt incəlik zəifliklə səhv salınır. Lakin qadının incəliyi onun ən böyük gücüdür.
 Qadın harada olursa olsun, ora həyat və ruh qatır. O, toxunduğu hər şeyi gözəlləşdirən, böyüdən və dəyər verəndir. Qadın yaşamağa, yaşatmağa güc verən yeganə varlıqdır.
Həyatın ən ağır yükünü belə səssizcə çiynində daşıyıb, yenə də təbəssümünü itirməmək qadın ruhunun böyüklüyünü göstərir.
Qadın ana, övlad, bacı və həyat yoldaşı olmaqla öz məsuliyyətini dərk etdiyi üçün yaşayaraq sevdiklərini yaşadandır.
 Qadın keçmişin yaddaşını gələcəyə daşıyan körpüdür. O, ailənin, cəmiyyətin və mədəniyyətin görünməz, lakin ən möhkəm sütunudur.
Öz varlandığını kəşf etmək
Qadın olmaq, öz səsinə sahib çıxmaqdır. Başqalarının təyin etdiyi çərçivələrə sığmamaq, öz xəyallarının arxasınca getmək və öz hekayəsini müstəqil şəkildə yazmaqdır. Hər bir qadın daxilində böyük bir aləm, kəşf edilməmiş bir potensial daşıyır.

Qadın olmaq — öz işığını qaranlıqdan əsirgəməmək və bütün çətinliklərə rəğmən özün olmaqdan imtina etməməkdir."

Qadınlıq bir zəriflik dastanı, eyni zamanda sarsılmaz bir iradənin təcəssümüdür. O, həyatın həm ən gözəl şeiri, həm də ən güclü həqiqətidir.

 Almaz İLAHƏ